Google ADS

Potter: Penalltia dhe skuqja e Tomorit, situata të rëndësishme për ne

09:10 | 12 Tetor 2022
A. B.

Trajneri i Chelseat, Graham Potter ka folur për fitoren e mbrëmshme të ekipit të tij me rezultat 2:0 ndaj Milanit në udhëtim.

Sipas tij, penalltia dhe kartoni i kuq që iu dha Fikayo Tomorit ishte një situatë e rëndësishme për skuadrën londineze.

Më pas, “Blues” e menaxhuan me kujdes dhe pa problem epërsinë numerike dhe atë prej një goli.

“Ta kesh në atë moment një të kuq dhe një penallti, është një situatë e rëndësishme. Është e qartë se ai rast ndikoi dhe e ndëshkoi Milanin për ato që dëshironte t’i bënte. Nuk ishte e lehtë të luanim këtu edhe kundër 10 lojtarëve. Megjithatë, mendoj se bëmë punë të mirë edhe kur ishim 11 kundër 11. Gjyqtari e ka marrë një vendim dhe ne vetëm duhet ta pranojmë”, deklaroi trajneri i Chelseat në konferencë për shtyp./GE/

Shpërndaje në rrjete sociale

Lajmet më të lexuara

Të ngjashme

Foto lajm